معروف اداکار چوری کے الزام میں ایئرپورٹ سے گرفتار

19, جنوری , 2024

نیوزٹوڈے: ہالی ووڈ فلم انڈسٹری کے مشہور اداکار اور امریکی ریاست کیلیفورنیا کے سابق گورنر آرنلڈ شیوار کو چوری کے الزام میں ائیر پورٹ سے گرفتار کر لیا گیا ۔ انٹرنشنل میڈیا کے مطابق اداکار آرنلڈ شیوار کو ٹیکس چوری کے الزام میں گرفتار کیا گیا تھا تاہم ان کی ضمانت ہو چکی ہے۔ رپورٹ میں بتایا گیا کہ اداکار کو ائیرپورٹ میں روک کر ان کی تلاشی لی گئی اور بیگ میں سے ایک قیمتی سوئس گھڑی برآمد ہوئی جس کی قیمت کم از کم 26 ہزار یورو بتائی جا رہی ہے۔

اداکار نے جرمنی جانے سے پہلے اثاثوں میں اس گھڑی کا ذکر نہیں کیا تھا۔ اداکار نے بتایا کہ وہ آسٹریلیا میں ماحولیات سے متعلق ایک کانفرنس میں اس گھڑی کو عطیہ کرنا چاہتے ہیں۔ ان پر 4 ہزار ٹیکس سمیت 35 ہزار یورو کا جرمانہ عائد کیا گیا۔