معروف بھارتی گلوکارہ کے شوہر ٹی وی دیکھتے ہوئے دل کا دورہ پڑنے سے انتقال کر گئے

09, جولائی , 2024

نیوز ٹوڈے : مشہور بھارتی پاپ آئیکن اوشا اوتھپ کے شوہرجونی اوتھپ 78 سال کی عمر میں انتقال کر گئے۔بھارتی میڈیا کے مطابق اہل خانہ کا کہنا ہے کہ اوشا اتھوپ کے شوہر کا پیر کو انتقال ہوا، ان کی آخری رسومات آج ادا کی جائیں گی۔

رپورٹ کے مطابق 78 سالہ جانی نے اپنی رہائش گاہ پر ٹی وی دیکھتے ہوئے اچانک بے چینی اور سینے میں درد کی شکایت کی جس کے بعد انہیں قریبی اسپتال لے جایا گیا جہاں انہیں مردہ قرار دیا گیا۔ اوشا اوتھوپ کے شوہر کی موت دل کا دورہ پڑنے سے ہوئی۔

بھارتی میڈیا کے مطابق جانی اوشا اوتھپ کے دوسرے شوہر تھے اور وہ چائے کے باغات کے شعبے سے وابستہ تھے۔جوڑے نے 1970 کی دہائی کے اوائل میں ملاقات کی اور شادی کی، اور ان کے ایک ساتھ 2 بچے ہیں۔