یوکرین کے شہروں پر روس کے میزائل حملوں میں بچوں کا ہسپتال تباہ

نیوز ٹوڈے :   یوکرین کے مختلف شہروں پر روس کے میزائل حملے سے 36 افراد ہلاک اور 140 زخمی ہعۓ ان حملوں میں چلڈرن ہسپتال بھی تباہ ہو گیا - برطانیہ کی نیوز ایجنسی ( بی بی سی) کی رپورٹ کے مطابق روس نے یوکرین کے کئی شہروں کو میزائل حملوں کا نشانہ بنایا ہے جن میں کیو میں بچوں کا ایک بہت بڑا ہسپتال بھی نشانے کی زد میں آ گیا - یوکرینی حکام کے مطابق ہسپتال پر لگنے والے میزائل سے 2 افراد ہلاک ہوۓ ہیں - جبکہ ہسپتال کی عمارت بری طرح تباہ ہو چکی ہے - چلدرن ہسپتال کی ایک ڈاکٹر کی جانب سے بی بی سی کو دی گئی اطلاع کے مطابق ہسپتال کا ایک حصہ مکمل طور پر تباہ ہو چکا ہے اور دوسرے حصے میں بھی آگ لگی ہوئی ہے -

یوکرینی صدر (زیلینسکی) کے سٹاف کے سربراہ کا کہنا ہے کہ روس کے یوکرینی شہروں پر کیے گۓ تازہ حملوں میں 36 افراد ہلاک اور 140 زخمی ہوۓ ہیں - دوسری طرف روس نے ہسپتال کو نشانہ بنانے کی تردید کر دی ہے - یوکرین کے شہروں پر کیے گۓ روسی حملوں کے فوراً بعد اقوام متحدہ کی سلامتی کوسنل نے ہنگامی اجلاس بلا لیا ہے - یہ ہنگامی اجلاس امریکہ اور یورپی ملکوں کی درخواست پر بلایا گیا ہے -