دولہا بارات کو گھوڑے یا گاڑی کے بجائے 'بلڈوزر' پر لے آیا

12, جولائی , 2024

نیوز ٹوڈے : شادی کے موقع پر ہر دلہن کی خواہش ہوتی ہے کہ اس کا دولہا بارات میں گھوڑے یا لگژری گاڑی پر آئے اور پھر وہ شان و شوکت سے اپنے سسرال جائے۔

لیکن آپ کو یہ سن کر حیرت ہو گی کہ گزشتہ دنوں بھارت میں دولہا نے شادی کے بعد اپنی دلہن کو گھر لانے کے لیے گھوڑے یا گاڑی پر نہیں بلکہ 'بلڈوزر' پر سوار کیا۔بھارتی میڈیا کے مطابق ریاست اتر پردیش میں دولہا اپنی دلہن کو لینے بلڈوزر پر پہنچا، اس غیر روایتی بارات کی ویڈیو سوشل میڈیا پر وائرل ہوگئی۔

ویڈیو میں دولہا کو اپنی دلہن کے ساتھ بلڈوزر کے سامنے بیٹھے ہوئے دیکھا جا سکتا ہے اور وہ بہت خوش نظر آ رہے ہیں۔اس خصوصی جلوس کے لیے ڈھول بجانے والوں کے ساتھ بلڈوزر کو بھی پھولوں سے سجایا گیا تھا۔