چین کے شہر زیگونگ کے 14 منزلہ شاپنگ سینٹر میں خوفناک آتشزدگی

18, جولائی , 2024

نیوز ٹوڈے : چین میں ایک شاپنگ سینٹر میں اچانک آگ بھڑک اٹھی جس سے 8 افراد ہلاک ہو گۓ اور کئی افراد عمارت کے اندر پھنس گۓ - آگ لگنے کا یہ واقعہ چین کے صوبہ سیچوان میں پیش آیا - چینی میڈیا کی رپورٹ کے مطابق بدھ والے دن چین کے مغربی صوبہ (سیچوان کے شہر زیگونگ) میں شام کے تقریباً 6 بجے کے نزدیک ایک شاپنگ سینٹر میں آگ کے شعلے بلند ہونے لگے -

جس کی زد میں آ کر 8 افراد جاں بحق ہو گۓ جبکہ 14 منزلہ شاپنگ سینٹر سے لوگوں کو بڑی مشکل سے نکالا گیا - رپورٹ کے مطابق 300 کے قریب فائر فائٹرز اور درجنوں گاڑیوں نے بڑی مشکل سے آگ پر قابو پایا - چینی حکام کے مطابق شاپنگ سینٹر سے 30 کے قریب لوگوں کو بچا لیا گیا جبکہ ابھی یہ اندازہ نہیں لگایا جا سکتا کہ اور کتنے لوگ ابھی تک شاپنگ سینٹر کے اندر پھنسے ہوۓ ہیں -