اسرائیل نے کیا لبنان پر ڈرون حملہ 2 افراد ہلاک 3 زخمی

نیوز ٹوڈے :   اسرائیل نے بنایا لبنان کے جنوبی علاقے کو ڈرون حملے کا نشانہ 2 افراد ہلاک 3 زخمی ہو گۓ - گولان کی پہاڑیوں پر اسرائیلی تنصیبات کو حماس کی جانب سے نشانہ بنانے کے بعد صیہونی فوج نے لبنان کے جنوبی علاقے کے نزدیک ڈرون حملہ کر دیا - جس کے نتیجے میں 2 افراد ہلاک اور 3 زخمی ہو گۓ - عرب میڈیا کی رپورٹ کے مطابق لبنان کی سول ڈیفینس فورس کا کہنا ہے کہ جنوبی لبنان کے علاقہ میں اسرائیل کے ڈرون حملے میں 2 افراد ہلاک جبکہ ایک بچے سمیت 3 افراد زخمی ہوۓ ہیں - میڈیا رپورٹ کے مطابق لبنانی ریسکیو نے اس بات کی وضاحت نہیں کی کہ اس ڈرون حملے میں جاں بحق ہونےو الے افراد عام شہری تھے یا لبنانی لڑاکے -

حزب اللٰہ کے لڑاکوں اور اسرائیل کے بیچ بڑھتے تناؤ کی وجہ سے سعودی عرب نے اپنے شہریوں کو فوری طور پر لبنان سے واپس بلا لیا ہے -دوسری طرف اسرائیلی کی ملٹری فورس نے دعوٰی کیا ہے کہ ان کے ایئر ڈیفینس سسٹم نے لبنان سے اسرائیل کے علاقہ (گلیلی) میں داخل ہونے والے ایک ڈرون کو مار گرایا ہے- گولان پر ہوۓ حملوں کی زمہ داری حزب اللٰہ پر ڈالتے ہوئے امریکہ نے بیان جاری کیا ہے کہ وہ اسرائیل کی سلامتی کیلیے اس کے ساتھ کھڑا ہے -