برطانیہ چاقو بردار شخص کے حملے سے 2 بچے جاں بحق 8 زخمی

نیوز ٹوڈے :  برطانیہ میں اسلحہ پر پابندی کے بعد چاقو سے حملہ کرنے کی وارداتوں میں آۓ دن اضافہ ہی ہوتا جا رہا ہے - برطانیہ کے علاقہ (ساؤتھ پورٹ) میں چاقو کے حملے سے 2 بچے جاں بحق جبکہ 6 بچوں سمیت 8 افراد زخمی ہو گۓ - زخمیوں کی حالت بھی خطرے میں بتائی جا رہی ہے ـ برطانیہ کے میڈیا کی رپورٹ کے مطابق برطانوی پولیس نے بروقت کارروائی کرکے 17 سالہ چاقو بردار حملہ آور کو گرفتار کر لیا ہے - اور اس حملے میں استعمال کیا گیا چاقو بھی برآمد کر لیا ہے - میڈیا کے مطابق چاقو بردار 17 سالہ حملہ آور نے لیور پول کے نزدیک ساؤتھ پورٹ کے علاقہ میں ٹیلر سوئفٹ تھیمڈ یوگا پر حملہ کیا -

موقع پرموجود لوگوں کی میڈیا کو دی گئی رپورٹ کے مطابق حملہ آور نے ڈانس میں شامل جوان لڑکیوں کو نشانہ بنایا - برطانوی وزیر اعظم نے اس واقعہ کو خوفناک قرار دیتے ہوۓ اس واقعہ میں جاں بحق اور زخمی ہونے والے بچوں کےاہل خانہ سے ہمدردی کا اظہار کیا ہے - برطانوی پولیس کے مطابق ابھی تک حملے کی وجہ معلوم نہیں ہو سکی تاہم مزید تحقیقات شروع کر دی گئی ہیں - برطانوی ہوم آفس کے اعداد و شمار کے مطابق 2023 کے صرف 12 مہنیوں میں چاقو کے حملوں کے 14 ہزار 577کیسز درج ہوۓ ہیں -