حماس اور اسلامی جہاد کے رہنماؤں کی ایرانی سپریم لیڈر سے ملاقات

30, جولائی , 2024

نیوز ٹوڈے : تہران میں ایران کے سپریم لیڈر آیت اللہ خامنہ ای سے حماس اور اسلامی جہاد کے رہنماؤں نے ملاقات کی۔ایرانی خبر رساں ایجنسی کے مطابق ایران کے سپریم لیڈر آیت اللہ علی خامنہ ای نے فلسطینی وفد کی میزبانی کی۔

تہران میں نئے ایرانی صدر مسعود پزشکیان کی تقریب حلف برداری سے قبل حماس اور اسلامی جہاد کے رہنماؤں نے اپنے وفود کے ساتھ آج سہ پہر آیت اللہ خامنہ ای سے ملاقات کی۔اس ملاقات میں فلسطینی اسلامی جہاد کے سیکرٹری جنرل زیاد النخالہ اور حماس کے سیاسی رہنما اسماعیل ھنیہ نے ایرانی سپریم لیڈر سے غزہ کی صورتحال پر مشاورت کی۔