الجزیرہ ٹی وی نے غزہ میں اسرائیلی حملے میں شہید ہونے والے اپنے صحافیوں کو خراج عقیدت پیش کیا

02, اگست , 2024

نیوز ٹوڈے : الجزیرہ ٹی وی نے غزہ میں اسرائیلی حملے میں شہید ہونے والے اپنے عربی صحافیوں کو خراج عقیدت پیش کیا۔

اسٹوڈیو میں اور فیلڈ میں ساتھیوں نے صحافی اسماعیل الغول اور کیمرہ مین رامی الریفی کی تصاویر اٹھا رکھی تھیں۔الجزیرہ نیٹ ورک نے اسماعیل الغول اور رامی الریفی پر حملے کو الجزیرہ کے صحافیوں اور ان کے اہل خانہ کے خلاف اسرائیلی مہم کا حصہ قرار دیا۔

واضح رہے کہ صحافی اسماعیل الغول اور کیمرہ مین رامی الرافی کو گزشتہ روز غزہ کے مہاجر کیمپ میں نشانہ بنایا گیا تھا۔7 اکتوبر 2023 سے اب تک غزہ میں ڈیوٹی کرتے ہوئے 160 سے زائد صحافی شہید ہو چکے ہیں۔