امریکی صدارتی انتخابات: کملا ہیرس نائب صدارتی امیدوار کون ہوگا ؟

06, اگست , 2024

نیوز ٹوڈے : ڈیموکریٹک صدارتی امیدوار کملا ہیرس کل پنسلوانیا میں ایک ریلی میں نائب صدارتی امیدوار کے نام کا اعلان کریں گی۔

امریکی میڈیا کے مطابق کملا ہیرس اپنے حال ہی میں منتخب ہونے والے نائب صدارتی امیدوار کے ساتھ فلاڈیلفیا میں ہونے والی ریلی میں شرکت کریں گی۔نائب صدارتی امیدواروں کے ناموں میں پنسلوینیا کے گورنر جوش شیپیرو، منی سوٹا کے ٹم والز، کینٹکی کے اینڈی بی شیئر، ایریزونا کے سینیٹر مارک کیلی اور وزیر آمدورفت پیٹ بوٹیجِج کے نام شامل ہیں۔

کملا ہیرس کی مہم کے ایک بیان میں کہا گیا ہے کہ کملا اور ان کے نائب کا ووٹرز سے خطاب ٹرمپ اور ان کے نائب کے درمیان فرق کو واضح کر دے گا۔اور ان کے نائبین بعد میں وسکونسن، مشی گن، شمالی کیرولائنا، جارجیا، ایری زونا اور نیواڈا میں ریلیاں نکالیں گے۔