ایک امریکی کسان نے دنیا کا سب سے بڑا بینگن اُگا کر عالمی ریکارڈ اپنے نام کر لیا

16, اگست , 2024

نیوز ٹوڈے : ایک امریکی کسان نے دنیا کا سب سے وزنی بینگن اُگا کر عالمی ریکارڈ قائم کر دیا۔گنیز ورلڈ ریکارڈ کے مطابق امریکی ریاست آئیووا کے ایک کسان ڈیو بینیٹ نے دنیا کا سب سے وزنی بینگن اُگا کر توجہ حاصل کی۔

گنیز ورلڈ ریکارڈ کے مطابق کسان نے رواں سال اپریل کے مہینے میں بینگن کا بیج بویا اور 31 جولائی کو بیج کا پھل 3.778 کلوگرام وزنی پایا۔اس بینگن کی گولائی 71.12 سینٹی میٹر اور تنے سے پتے تک لمبائی 35.56 سینٹی میٹر ہے جبکہ تنے سے پھول تک گول پیمائش 81.9 سینٹی میٹر ہے۔

باغبانی کے ماہر ڈیو بینیٹ 4 سال سے بڑے بینگن اگا رہے ہیں اور 2022 میں انہوں نے 2.54 کلوگرام بینگن تیار کیا۔اس کے علاوہ، کسان بینگن کے ساتھ ساتھ کرسنتھیممز (ایک پھولدار پودا) کے ساتھ ساتھ پھلوں اور سبزیوں کی بہت سی دوسری اقسام (کدو، لوکی اور خربوزے) اگاتے ہیں۔