دنیا کے تیسرے امیر ترین شخص کا اپنی اہلیہ کو تحفہ انٹرنیٹ پر وائرل ہوگیا

16, اگست , 2024

نیوز ٹوڈے : میٹا کے سی ای او مارک زکربرگ دنیا کے تیسرے امیر ترین آدمی ہیں، تو آپ کے خیال میں وہ اپنی بیوی کو کیا تحفہ دے سکتے ہیں؟مارک زکربرگ کی جانب سے ان کی اہلیہ پرسکیلا چن کو دیا گیا تحفہ انٹرنیٹ پر وائرل ہوگیا ہے کیونکہ یہ کچھ زیادہ ہی حیران کن ہے۔مارک زکربرگ نے اپنی اہلیہ کو امریکی آرٹسٹ ڈینیئل ارشاسم کا بنایا ہوا آدم کا ایک لائف سائز کا مجسمہ تحفے میں دیا ہے۔

یہ مجسمہ مارک زکربرگ کے گھر کے احاطے میں رکھا گیا ہے اور اس کی تصاویر مارک زکربرگ نے انسٹاگرام پر پوسٹ کی ہیں۔ایک تصویر میں پرسکیلا چن کو مجسمے کے پاس کھڑے کافی پیتے ہوئے دکھایا گیا ہے، جبکہ دوسری تصویر میں مجسمے کا چہرہ دکھایا گیا ہے۔

پوسٹ کے کیپشن میں مارک زکربرگ نے لکھا کہ وہ بیویوں کے مجسمے بنانے کی رومن روایت کو زندہ کر رہے ہیں۔یاد رہے کہ مارک زکربرگ اور پرسکیلا چن کی پہلی ملاقات 2003 میں ہارورڈ یونیورسٹی میں ہوئی تھی، جہاں وہ دونوں طالب علم تھے۔

جوڑے کی شادی 19 مئی 2012 کو ہوئی اور ان کی 3 بیٹیاں ہیں۔

دنیا کے تیسرے امیر ترین شخص کا اہلیہ کو دیے جانے والا تحفہ انٹرنیٹ پر وائرل