حماس کا بڑا کارنامہ ، 2 اسرائیلی میجر ہلاک کئی جوان زخمی

نیوز ٹوڈے :   حما س کا بڑا کارنامہ ، 2 اسرائیلی میجر ہلاک اور کئی فوجی زخمی - غزہ کے وسطی علاقے میں جنگی ساز و سامان کی منتقلی کے دوران ہونےو الے بم دھماکے میں اسرائیلی فوج کے 2 میجر جاں بحق جبکہ کئی فوجی جوان زخمی ہو گۓ ـ اسرائیلی میڈیا کی رپورٹ کے مطابق اسرائیلی فوج کے ترجمان کا کہنا ہے کہ 'بم دھماکے میں مارے جانے والے 34 سالہ میجر (یوتم اتزاک پیلڈ ایک لاجسٹک آفیسر تھے اور میجر مورد چائی یوسف فوجی ٹرک چلا رہے تھے) - اسرائیلی فوج کے ترجمان کے مطابق مارے گۓ دونوں میجروں کا تعلق یروشلم بریگیڈ کی 8119 ویں بٹالین سے تھا اور دونوں میجر غزہ کے زیتوں محلے میں فوجیوں کو سامان کی فراہمی کے دوران مارے گۓ-

ترجمان کا کہنا ہے کہ اسرائیلی فوج کے قافلے کے راستے میں بم حماس نے نصب کیا تھا ـ اور حماس کے لڑاکوں نے دھماکے کے بعد ہمارے فوجیوں پر فائرنگ بھی کی -جس کے نتیجے میں ہمارے کئی فوجی زخمی ہو گۓ - غزہ میں اسرائیلی زمینی فوج اکتوبر کے مہینے سے داخل ہو چکی ہے اور اب تک حماس کے ساتھ جھڑپوں میں اسرائیلی فوج کے 334 جوان مارے جا چکے ہیں - 7 اکتوبر کے حماس کے حملے میں مارے جانےو الے اسرائیلیوں کی تعداد اس کے علاوہ ہے ـ