اسرائیلی فوج نے کیا دعوٰی 6 اسرائیلی یرغمالیوں کی بازیابی کا

نیوز ٹوڈے :  صیہونی فوج نے 7 اکتوبر کو اغوا ہونے والے 6 اسرائیلیوں کی لاشیں برآمد کرنے کا دعوٰی کر دیا - صیہونی فوج نے 7 اکتوبر کو حماس کے ہاتھوں اغوا ہو جانے والے 6 اسرائیلیوں کی لاشیں ایک آپریشن کے دوران برآمد کروا لینے کا دعویی کیا ہے - عرب میڈیا کی رپورٹ کے مطابق صیہونی فوج کے ترجمان نے بیان جاری کیا ہے کہ اغوا ہونے والے 6 اسرائیلیوں کی لاشیں خان یونس شہر کے ایک غار سے آدھی رات کو کیے گۓ آپریشن کے دوران بر آمد کی گئی ہیں -

میڈیا کے مطابق جن افراد کی لاشیں بر آمد کی گئی ہیں اسرائیل کی ایجنسیوں اور فوج کا کہنا ہے کہ ان میں سے 4 کی عمریں 70 سال سے بھی زیادہ ہیں - مغویوں کی لاشوں کی برآمدگی کے موقع پر اسرائیلی وزیر اعظم (نیتن یاہو) نے کہا کہ 'اسرائیل تمام مغویوں کو زندہ یا مردہ ہر حال میں واپس لانے کی کوشش کرے گا' - دوسری جانب (اپوزیشن لیڈر یائر لاپیڈ) کا کہنا تھا کہ ہم ہر آۓ دن مغویوں کو کھوتے جائیں گے -یائر لاپیڈ کا کہنا تھا کہ ہمیں ہر صورت میں مغویوں کی واپسی کیلیے ڈیل کرنی چاہیے ـ صیہونی فوج نے آج پھر غزہ کے ایک سکول کو نشانہ بنایا جس سے سکول میں پناہ گزین 10 فلسطینی شہید ہو گۓ -