ایران میں پاکستانی زائرین کی بس کو حادثہ، 28 افراد جاں بحق، 20 زخمی

21, اگست , 2024

نیوز ٹوڈے : ایران کے شہر یزد میں پاکستانی زائرین کی بس کو حادثہ پیش آیا، حادثے میں 28 افراد جاں بحق اور 20 زخمی ہوگئے۔ایرانی میڈیا کے مطابق پاکستانی زائرین کی بس دشیر تفتان چیک پوائنٹ کے سامنے الٹ گئی جس کے بعد بس میں آگ لگ گئی۔

حادثے میں 28 افراد جاں بحق اور 20 زخمی ہوگئے، بس میں 53 زائرین سوار تھے۔ایرانی میڈیا کا کہنا ہے کہ امدادی ٹیمیں بس سے زخمیوں اور لاشوں کو نکالنے میں مصروف ہیں جب کہ حادثے کے بعد اسپتالوں میں ایمرجنسی نافذ کردی گئی ہے۔