مشہور فٹبالر ٹریفک حادثے کا شکار

03, ستمبر , 2024

نیوز ٹوڈے : افریقی ملک گھانا سے تعلق رکھنے والے سابق فٹبالر جان پینٹسل ٹریفک حادثے میں زخمی ہو گئے جنہیں ہسپتال منتقل کر دیا گیا ہے۔

برطانوی میڈیا کے مطابق جان پینٹسل 6 سال سے پریمیئر لیگ میں مختلف ٹیموں کی جانب سے کھیل رہے ہیں، وہ اس وقت گھانا کی قومی ٹیم میں ہیڈ کوچ کے اسسٹنٹ منیجر کے طور پر خدمات انجام دے رہے ہیں۔ اطلاعات کے مطابق ٹیم کے ہیڈ کوچ اوٹو ایڈو اور گول کیپنگ کوچ فتاوی کے جان پینٹسل فٹبال کپ کا فائنل دیکھنے کے بعد واپس دارالحکومت اکرا جارہے تھے کہ حادثہ پیش آیا، جس میں تینوں زخمی ہوگئے جنہیں فوری طور پر اسپتال منتقل کیا گیا۔

گھانا فٹ بال ایسوسی ایشن کا کہنا ہے کہ اسٹار فٹبالر تارکوا سے واپس جا رہے تھے کہ ان کی کار ایک آنے والے پک اپ ٹرک سے تصادم سے بچنے کی کوشش میں ٹکرا گئی، جس سے گاڑی کو کافی نقصان پہنچا۔ حادثے کی تصاویر میں کار کو بری طرح نقصان پہنچا، پچھلا پہیہ مکمل طور پر غائب اور بائیں جانب کا دروازہ مکمل طور پر ٹوٹا ہوا دکھایا گیا ہے۔