جنگ بندی اور یرغمالیوں کے لیے نیتن یاہو کی کوششیں کافی نہیں: امریکی صدر

03, ستمبر , 2024

نیوز ٹوڈے : امریکی صدر جو بائیڈن نے غزہ میں جنگ بندی کے حصول اور یرغمالیوں کی بحفاظت واپسی کے لیے نیتن یاہو کی کوششوں کو ناکافی قرار دیا۔گزشتہ روز وائٹ ہاؤس میں میڈیا انٹرویو کے دوران ایک صحافی نے جو بائیڈن سے سوال کیا کہ کیا وہ سمجھتے ہیں کہ غزہ جنگ بندی اور یرغمالیوں کی بازیابی کے لیے نیتن یاہو کی کوششیں کافی ہیں۔ جس پر امریکی صدر نے نفی میں جواب دیا۔

انہوں نے کہا کہ اسرائیلی وزیر اعظم نیتن یاہو کی طرف سے جنگ بندی معاہدے اور یرغمالیوں کی بحفاظت واپسی کے لیے جو کوششیں کی جا رہی ہیں وہ کافی نہیں ہیں۔ رواں ہفتے جنگ بندی کا نیا معاہدہ پیش کرنے کے سوال پر کہا کہ ہم اس کے بہت قریب ہیں۔غیر ملکی میڈیا کے مطابق امریکی صدر اسرائیل اور حماس کے علاوہ دیگر فریقین سے مشاورت کے بعد رواں ہفتے حتمی اور حتمی جنگ بندی معاہدے کی تجویز دیں گے جس پر ابھی بات چیت جاری ہے۔