چین کے صوبے (شینڈونگ) میں مسافر بس حادثہ ، 11 افراد ہلاک

04, ستمبر , 2024

نیوز ٹوڈے : چین میں بے قابو بس ہجوم میں گھس جانے سے 11 افراد ہلاک ہو گۓ جن میں طالب علم بھی شامل ہیں - بین الاقوامی میڈیا کی رپورٹ کے مطابق یہ حادثہ چین کے صوبہ (شینڈونگ) میں پیش آیا ـ صوبہ شینڈونگ میں ایک مسافر بس ڈرائیور سے بے قابو ہو کر سکول کے نزدیک کھڑے ہجوم میں داخل ہو گئی جس سے 11 افراد جاں بحق جبکہ کئی زخمی ہو گۓ-

برطانوی میڈیا ( بی بی سی ) کا کہنا ہے کہ چین کے سرکاری میڈیا نے اس حادثہ میں 11 ہلاکتوں کی تصدیق کی ہے جن میں 5 طالب علم بھی شامل ہیں اور 8 دیگر افراد میں سکول کے بچوں کے والدین شامل ہیں - پولیس نے ڈرائیور کو گرفتار کرکے حادثہ کی تحقیقات شروع کر دی ہیں البتہ فوری طور پر حاد ثے کی وجوہات سامنے نہیں آئیں -