جبالیہ کیمپ میں امدادی مرکز کے تندور پر روٹی لینے کے انتظار میں کھڑے افراد پر صیہونی فوج کا حملہ

04, ستمبر , 2024

نیوز ٹوڈے : غزہ میں صیہونی فوج کی سفاکیت لگاتار جاری ہے - صیہونی فوج نے غزہ میں (جبالیہ پناہ گزین کیمپ) میں روٹی لینے کیلیے قطار میں کھڑے افراد پر حملہ کرکے 8 فلسطینیوں کو شہید کر دیا - بین الاقوامی میڈیا کی رپورٹ کے مطابق صیہونی فوج نے جبالیہ کیمپ میں قائم امدادی مرکز میں لگے تندور پر روٹی لینے کیلیے انتظار میں کھڑے لوگوں کو نشانہ بنایا ہے جس کے نتیجے میں 8 افراد اور مجموعی طور پر 50 مزید فلسطینی اسرائیلی حملوں میں شہید ہو گۓ ہیں -

دوسری طرف مقبوضہ مغربی کنارے پر کئی دنوں سے جاری صیہونی فوج کے زمینی آپریشن میں صیہونی فوج نے صحافیوں کو بھی نشانہ بنایا ہے - ایک دن پہلے مقبوضہ مغربی کنارے پر صیہونی فوج کے سرچ آپریشن میں "جہاد اسلامی" کے ایک رکن سمیت 29 فلسطینی شہید ہو گۓ تھے -