مغربی کنارے میں مسلح شخص کی فائرنگ سے 3 اسرائیلی فوجی ہلاک

09, ستمبر , 2024

نیوز ٹوڈے : اردن سے ملحقہ فلسطین کے مغربی کنارے کے بارڈر پر فائرنگ کے واقعہ میں اسرائیلی فوج کے 3 اہلکار جاں بحق ہو گئے - عرب میڈیا کی رپورٹ کے مطابق ٹرک پر سوار ایک حملہ آور شخص اردن سے مغربی کنارے کی ملحقہ سرحد ایل بی پل کراسنگ سے داخل ہوا اور اسرائیلی فوجیوں پر فائرنگ شروع کر دی - جس سے 3 اسرائیلی فوج کے جوان موقع پر ہی ہلاک ہو گۓ -

اسرائیلی فوج کی جوابی فائرنگ سے حملہ آور شخص بھی موقع پر ہی جان بحق ہو گیا - اسرائیلی فوجی حکام نے اس حملے اور اس میں ہوئی فوجیوں کی ہلاکتوں کی خود تصدیق کی ہے - دوسری طرف اردن کے وزیر داخلہ کے مطابق (کنگ حسین کراسنگ) پر ہونے والی فائرنگ کے واقعہ کی تحقیقات کی جارہی ہیں - اور اردن کی سرحد پر موجود کنگ حسیبن پل بھی بند کر دیا گیا ہے -