روس نے کیے یوکرین کے 144 ڈرونز تباہ

11, ستمبر , 2024

نیوز ٹوڈے : یوکرین نے بنایا 100 سے زائد ڈرونز سے ماسکو سمیت روس کے کئی شہروں کو نشانہ - یوکرین نے روس کے دارالحکومتی شہر ماسکو اور دیگر کئی شہروں پر 144 سے زیادہ ڈرونز برساۓ جس سے ایک شہری ہلاک ہو گیا - بین الاقوامی میڈیا کی رپورٹ کے مطابق یوکرین نے آدھی رات کو روس کے کئی شہروں پر ڈرون کی برسات کر دی جن میں سے 144 یوکرینی ڈرونز کو روس نے راستے میں گرا دیا - میڈیا کے مطابق روس پر حملہ آور ڈرونز میں سے 20 ڈرونز روس کے دارالحکومت (ماسکو) کی حدود میں بھی داخل ہوۓ - جن کو روس کے دفاعی سسٹم نے تباہ کر دیا -

لیکن ان تباہ ہونے والے ڈرونز میں سے ایک کا ملبہ ایک عمارت پر جا گرا جس سے ایک روسی عورت ہلاک ہو گئی - رپورٹ کے مطابق یوکرین کے اس حملے کے بعد ماسکو کے 3 ایئر پورٹس کو جہازوں کی آمدو رفت کیلیے جزوی طور پر بند کر دیا گیا - اور ان ایئر پورٹس پر آنے والی 48 فلائٹوں کو دوسرے ایئر پورٹس کی طرف موڑ دیا گیا -