غزہ کے علاقہ (رفع) میں اسرائیلی فوجی ہیلی کاپٹر گر کر تباہ

12, ستمبر , 2024

نیوز ٹوڈے : غزہ میں صیہونی فوج کا ہیلی کاپٹر گر کر تباہ ہو گیا ہیلی کاپٹر میں سوار صیہونی فوج کے 2 جوان بھی ہلاک ہو گۓ - غزہ میں صیہونی فوج کا ہیلی کاپٹر لینڈنگ کرتے ہوے گر کر تباہ ہوا - صیہونی فوج کے جاری کردہ بیان کے مطابق یہ حادثہ بدھ کے دن صبح کے وقت پیش آیا جب اسرائیل کا فوجی ہیلی کاپٹر غزہ کے جنوبی علاقہ (رفع) میں لینڈنگ کرتے ہوۓ گر کر تباہ ہو گیا - اس حادثہ میں ہیلی کاپٹر میں سوار 2 فوجی ہلاک اور 7 زخمی ہو گۓ -

فوج کے دیے گۓ بیان کے مطابق رفع کے اسرائیلی فوجی کیمپ میں لینڈنگ کرتے ہوۓ ہیلی کاپٹر گر کر تباہ ہوگیا - ابتدائی تحقیقات میں بتایا گیا کہ ہیلی کاپٹر جس وقت گرا اس وقت زیادہ اونچائی پر نہیں تھا لیکن پھر بھی ہیلی کاپٹر کو کافی نقصان پہنچا ـ اور ہیلی کاپٹر میں سوار تمام فوجی زخمی ہو گۓ -صیہونی فوج کے مطابق حادثہ کے بعد 2 لاشوں اور 8 زخمیوں کو ہسپتال منتقل کیا گیا جن میں ایک وہ فوجی بھی شامل تھا جسے ریسکیو کرنے کیلیے ہیلی کاپٹر بھیجا گیا تھا -