غزہ کے المواصی کیمپ پر وحشیانہ حملے میں امریکی بم استعمال کیے گۓ ، عرب میڈیا

12, ستمبر , 2024

نیوز ٹوڈے : غزہ میں المواصی کیمپ پر ہوۓ اسرائیلی حملے میں امریکی بموں کے استعمال کا عرب میڈیا نے انکشاف کیا ہے - عرب میڈیا کی جاری کردہ رپورٹ کے مطابق صیہونی فوج نے محفوظ علاقہ قرار دیے جانے والے (الموصی کیمپ) پر وحشیانہ حملے میں 2 ہزار پاؤنڈ وزنی امریکی بم برساۓ - عرب میڈیا کی رپورٹ کے مطابق اس حملے میں 40 سے زائد پناہ گزین فلسطینی شہید گۓ - اور اتنے بڑے بموں کے استعمال سے شہداء کی لاشیں تک پگھل گئیں ـ لاتعداد خیموں میں آگ بھڑک اٹھی -

رپورٹ کے مطاق جس جگہ بم گرے وہاں پر 30 سے 40 فٹ گہرے گڑھے بن گۓ - دوسری جانب صیہونی فوج کی مقبوضہ شہر (طولکرم) میں فائرنگ سے دو فلسطینی شہید ہو گۓ - جنوبی لبنان میں موٹر سائیکل پر سوار حزب اللٰہ کے ایک کارکن کو بھی صیہونی فوج نے ڈرون حملے سے نشانہ بنا کر شہید کر دیا -