سینیگال سے اسپین جانے والی تارکین وطن کی ایک اور کشتی ڈوب گئی 26 افراد ہلاک کئی لاپتہ

12, ستمبر , 2024

نیوز ٹوڈے : سینیگال میں تارکین وطن کی ایک اور کشتی ڈوب گئی 26 افراد ہلاک اور کئی لاپتہ ہو گۓ - برطانوی میڈیا کے مطابق حادثے کا شکار ہونے والی یہ کشتی سینیگال کے دارالحکومتی شہر سے 80 کلو میٹر کے فاصلے پر ایمبور شہر سے 100 سے زیادہ مسافروں کو لے کرسمندر میں اتری لیکن صرف 4 کلو میٹر کے فاصلے پر حادثے کا شکار ہو گئی -

مچھلی کے شکار کیلیے استعمال ہونے والی یہ کشتی مسافروں کو لے کر اسپین کے جزیرہ کینری کی جانب روانہ ہوئی تھی -کشتی میں سوار مسافروں میں زیادہ تعداد نوجوانوں کی تھی جو اپنے بہتر مستقبل کیلیے غیر قانونی طریقہ سے اسپین میں داخل ہونے جا رہے تے - حکام کا کہنا ہے کہ کشتی میں سوار 100 میں سے 26 افراد جاں بحق ہو گۓ جبکہ 4 افراد کو بچا لیا گیا - لاپتہ افراد کی تلاش کیلیے ریسکیو آپریشن شروع کر دیا گیا -