معروف بھارتی کامیڈین جونی لیور نے پاکستان آنے کی خواہش کا اظہار کردیا

12, ستمبر , 2024

نیوز ٹوڈے : معروف بھارتی کامیڈین جونی لیور نے پاکستان آنے کی خواہش کا اظہار کر دیا۔جونی لیور کی ایک ویڈیو سوشل میڈیا پر وائرل ہو رہی ہے جس میں بھارتی اداکار پاکستان اور پاکستانی فنکار معین اختر، عمر شریف اور امان اللہ سمیت دیگر کے بارے میں بات کر رہے ہیں۔

جونی لیور نے اپنے انٹرویو میں پاکستان کے شہروں لاہور اور کراچی کا دورہ کرنے کی خواہش کا اظہار کیا۔ اس کے ساتھ ساتھ کامیڈین نے پاکستان کے لیجنڈ کامیڈین عمر شریف کو یاد کرتے ہوئے کہا کہ وہ عمر شریف کے بیٹے سے رابطے میں ہیں اور وہ پاکستان جائیں گے۔

جونی لیور نے پاکستان میں موجود اپنے مداحوں کی محبت پر شکریہ ادا کرتے ہوئے کہا کہ میرے پاس الفاظ نہیں ہیں، میں آپ سب کی محبتوں کا شکریہ ہی ادا کرسکتا ہوں۔