بھارت کے ایک چھوٹے سے گاؤں میں کملا ہیرس کی جیت کے لیے دعائیں شروع ہو گئیں

05, نومبر , 2024

نیوز ٹوڈے : بھارتی ریاست تامل ناڈو کے ایک گاؤں میں مقامی لوگ امریکی صدارتی امیدوار کملا ہیرس کی جیت کے لیے دعائیں مانگ رہے ہیں۔بھارتی ریاست تامل ناڈو کے دارالحکومت چنئی سے تقریباً 300 کلومیٹر دور تھالاسن دھراپرم گاؤں میں امریکی نائب صدر اور ڈیموکریٹک امیدوار کملا ہیرس کا بچپن گزرا ہے۔

کملا ہیرس کی والدہ ہندوستانی نژاد ہیں اور وہ چنئی، تامل ناڈو، ہندوستان میں پیدا ہوئیں، جب کہ ان کے والد جمیکا سے تھے، جہاں سے وہ امریکہ چلے گئے۔

تلاسین دھارپرم گاؤں کے لوگ امریکی صدارتی انتخابات میں بھارتی نژاد کملا ہیرس کو کامیاب دیکھنا چاہتے ہیں اور ان کی کامیابی کے لیے گاؤں کے مندر میں پوجا بھی کی جارہی ہے۔ اس سے قبل کملا ہیرس کو صدر بائیڈن کی جگہ ڈیموکریٹک صدارتی امیدوار کے طور پر نامزد کیے جانے کے بعد گاؤں کے لوگوں نے ان کی حمایت میں ایک بڑا بینر آویزاں کیا۔

واضح رہے کہ امریکا میں صدارتی انتخابات آج ہونے جا رہے ہیں۔ انتخابات میں ری پبلکن امیدوار ڈونلڈ ٹرمپ اور ڈیموکریٹک امیدوار کملا ہیرس کے درمیان مقابلہ متوقع ہے۔