سمیع ابراہیم پر نا معلوم افراد نے حملہ کر دیا

09, جولائی , 2022

بریکنگ نیوز ٹوڈے : ( اسلام آباد) سینئر صحافی اور معروف اینکر پرسن سمیع ابراہیم پر نامعلوم افراد نے حملہ کر دیا۔

نیوز ٹوڈے : پولیس ذرائع کے مطابق سمیع ابراہیم پر حملہ اسلام آباد کے علاقے میلوڈی میں اُن کے آفس کے سامنے کیا گیا۔

پولیس ذرائع کے مطابق ایک خواجہ سرا نے سمیع ابراہیم سے پیسے مانگے، اینکر پرس انہیں دینے لگے تو خواجہ سرا نے حملہ کردیا۔

پولیس ذرائع کے مطابق اس دوران ایک اور شخص آیا اور حملے کی ویڈیو بنانے لگا، جس کے بعد حملہ آور سبز رنگ کی گاڑی میں فرار ہوگئے، تاہم حملہ آوروں کی بر وقت پہچان نہیں کی جا سکی ۔

اسلام آباد پولیس کا کہنا ہے کہ اس وقوعے کی تفتیش جاری ہے اور سمیع ابراہیم پر حملہ کرنے والوں کے خلاف پولیس کی جانب سے تحقیق کی جا رہی ہے۔