ممنوعہ فنڈنگ کیس : ایف آئی اے نے پی ٹی آئی کی مزید 5 متنازع کمپنیوں کی تفصیلات حاصل کر لیں

16, اگست , 2022

بریکنگ نیوز ٹوڈے : وفاقی تحقیقاتی ادارے ایف آئی اے نے پی ٹی آئی ممنوعہ فنڈنگ کیس کی تحقیقات کرتے ہوئے پاکستان تحریکِ انصاف کی مزید 5 کمپنیوں کا سراغ لگا لیا ہے۔

نیوز ٹوڈے : ایف آئی اے کے ذرائع کے مطابق ان پانچوں کمپنیوں کا الیکشن کمیشن اور ایف بی آر میں جمع کرائے گئے اثاثوں کے کاغذات میں کسی قسم کا کو ئی ذکر موجود نہیں ہے۔

نیوز الرٹ ٹوڈے: ایف آئی اے کے ذرائع کا مزید کہنا ہے کہ یہ کمپنیاں امریکا، انگلینڈ، آسٹریلیا، بیلجیئم اور کینیڈا میں موجود ہیں،ایف آئی نے دعویٰ کیا ہے کہ پی ٹی آئی نے ان کمپنیوں سے پیسہ وصول کر کے سیاسی مقاص کے لیے استعمال کیا ہے ۔

ایف آئی اے کے ذرائع نے یہ بھی بتایا ہے کہ مذکورہ کمپنیوں میں سے کچھ بند ہیں جبکہ کچھ نے ابھی بھی اپنے آپریشنز جاری رکھے ہو ئے ہیں ۔

دوسری جانب حکومتی اتحاد کی جانب سے الزام لگایا جا رہا ہے کہ عمران خان نے ہسپتال کے لیے فنڈز اکٹھے کیے مگر اس فنڈ کو انہوں نے سیاسی مقاصد کے لیے استعمال کیا ،ان کا کہنا ہے کہ یہ صرف پاکستان سے دھوکہ نہیں بلکہ انہوں نے اپنے مداحوں کے جذبات کو بحی ٹھیس پہنچائی ۔