دہشتگرد ی کے جرم میں لندن کی جیل میں قید ڈینئیل عابد وینڈزورتھ جیل سے فرار

نیوز ٹوڈے : برطانوی میڈیا کے مطابق برطانیہ کے شہر لندن کے مشرقی اور شمال مغربی علاقے کنگسٹن سے تعلق رکھنے والے ڈینئیل عابد خلیف نے 2019 میں برطانیہ کی فوج میں شمولیت اختیار کی تھی ڈینئیل عابد پر یہ الزام لگایا گیا تھا کہ اس نے ایک فوجی اڈے پر نقلی بم رکھا تھا اس الزام پر ڈینئیل عابد کو لندن کی وینڈزورتھ جیل میں بند کر دیا گیا تھا جیل میں ڈینئیل عابد مقدمے کی سماعت کا منتظر تھا وہ دہشتگردی اور آفیشل سیکرٹ ایکٹ کے جرائم میں ملوث ہونے پر ریمانڈ پر تھا -

ملزم پر ریاست دشمن جماعتوں کیلیے کام کرنے کا الزام بھی تھا برطانوی میڈیا کے مطابق ملزم کو بی کلاس جیل میں رکھا گیا تھا جہاں ہائی سیکیورٹی جیسے سخت انتظامات نہیں ہوتے یہی وجہ ہے کہ ملزم جیل سے فرار ہونے میں کامیاب ہو گیا میٹرو پولیٹن پولیس کے مطابق ملزم بدھ کے روز جیل کے باورچی خانے سے فرار ہوا ہے جیل میں کھانا پہنچانے والی گاڑی کے نیچے خود کو باندھ کر ملزم فرار ہو گیا ملزم کے فرار ہونے پر ملک بھر میں اس کی تلاش شروع کر دی گئی ہے ملک بھر کے ہوئی اڈوں اور بندرگاہوں پر ہائی الرٹ جاری کر دیا گیا ہے -