مراکش: زلزلے میں ہلاک افراد کی تعداد 2 ہزار 862 تک پہنچ گئی

12, ستمبر , 2023

نیوزٹوڈے: مراکش میں آنے والا زلزلہ تباہ کن تھا اس زلزلے میں جانی مالی بہت نقصان ہوا زلزلے کی شدت 6.8 ریکارڈ کی گئی ہے- تباہ کن زلزلے میں ہلاک افراد کی تعداد 2 ہزار 862 تک جا پہنچی ہے جبکہ ڈھائی ہزار سے زائد افراد زخمی ہیں۔ اور ان کا علاج جاری ہے- اس تباہ کن زلزلے نے لوگوں کو گھروں سے محروم کر دیا لوگ کھلے آسمانوں تلے رہنے پر مجبور ہیں-

بہت سی جگہ بجلی کا نظام درہم برہم ہو گیا ہے بہت سی عمارتیں گر کر تباہ ہو گئی اس زلزلے کو 1960کے بعد سے اب تک کا سب سے ہلاکت خیز زلزلہ کہا جا رہا ہے- زلزلے سے متاثرہ علاقوں میں ریسکیو اور ریلیف آپریشن جاری ہے۔ مراکش شہر میں رونالڈو کا لگژری ہوٹل زلزلہ متاثرین کوپناہ فراہم کر رہا ہے-