امریکا کا یوکرین کو مزید 32 کروڑ ڈالرز سے زائد کی فوجی امداد دینے کا اعلان

22, ستمبر , 2023

نیوزٹوڈے: امریکی صدر جوبائیڈن نے یوکرین کے لیے مزید امداد کے لیے اعلان کیا ہے، اس امداد میں امریکہ کا مزید 32 کروڑ 50 لاکھ ڈالرز کے پیکج کا اعلان کیا ہے۔ یہ اعلان اس وقت کیا گیا جب، یوکرین کے صدر نے 21 ستمبر کو وائٹ ہاؤس میں امریکہ کے صدر سے ملاقات کے لیے آئے تھے۔ اس امداد کے تحت امریکہ کیجانب س یوکرین کو فضائی دفاع میزائل ، HIMARAS راکٹ ، میزائل اور گولہ بارود دیا جائے گا۔ امریکہ کی جانب سے چھوٹے اسلحے کے لیے تیس لاکھ سے بھی زیادہ فراہم کیے جائے گے۔

ہتھیاڑوں کے ساتھ ساتھ اس پیکج میں 59 لائٹ ٹیکٹیکل وہیکلز اور دیگر آلات بھی یوکرین کو دیے جائے گے۔ یوکرین صدر نے کہا ہے کہ جوبائیڈن سے وائٹ ہاؤس میں ملنا بھت اہم ہے۔ انہوں نے کہا کہ یوکرینی بچوں ، اور ہمارے اتحاد کو بچانے کے لیے میں واشنگٹن آیا ہو۔ امریکی محکمہ دفاع کی جانب س جاری بیان کے مطابق اس پیکج سے یوکرین کا فضائی دفاع مضبوط ہو گا،جسے اس وقت روس کے تباہ کن فضائی حملوں کا سامنا ہے۔