عراق شادی ہال میں لگی آگ سے 113 افراد ہلاک

27, ستمبر , 2023

نیوز ٹوڈے : شمالی عراق کے صوبے نینوا کے قصبے الحمدانیہ میں ایک شادی کی تقریب کے دوران اچانک آگ بھڑک اٹھی جس سے ہال میں موجود 113 افراد ہلاک ہو گۓ اور تقریباً 550 افراد شدید جھلس گۓ عرب میڈیا کے مطابق امدای ٹیمیں فوری طور پر جاۓ وقوعہ پر پہنچ گئیں اور زخمیوں کو فوری طور پر ہسپتال منتقل کیا جا رہا ہے لیکن کئی زخمی بری طرح جھلس گۓ ہیں جس کی وجہ سے ہلاکتوں میں اضافے کا خدشہ بھی ہے مسلم جوڑے کی اس شادی کی تقریب میں ایک ہزار سے زیادہ لوگ شرکت کیلیے ہال میں موجود تھے ۔

عراقی وزارت شہری دفاع کے مطابق ہال میں آگ لگنے کی وجہ وہاں موجود آتشبازی کا سامان ہے آگ ہال میں پٹاخوں کے جلانے کی وجہ سے لگی اس آتشزدگی میں کئ لوگ ہلاک ہو گۓ شادی کی تقریب ماتم میں بدل گئی عراق کا یہ صوبہ دار الحکومت بغداد سے 335 کلو میٹر کے فاصلے پر شمال مغرب میں واقع ہے جاۓ حادثہ سے جاری ہونے والی تصاویر اور وڈیوز میں فائر فائیٹرز آگ بجھانے میں مصروف ہیں اور ہال میں تقریب کی جلی ہوئی باقیات نطر آ رہی ہیں ۔