حماس کے ساتھ جنگ ​​ختم ہونے والی ہے'، نیتن یاہو نے جنگ کو لبنان منتقل کرنے کا اشارہ دیا

نیوز ٹوڈے :   اسرائیلی وزیراعظم نیتن یاہو نے کہا ہے کہ حماس کے ساتھ شدید جنگ کا مرحلہ اختتام کے قریب ہے اور صہیونی ریاست کے سربراہ نے بھی جنگ کو لبنان کی سرحد پر منتقل کرنے کا عندیہ دیا ہے۔یرغمالیوں کی رہائی کے لیے حماس کے ساتھ جزوی معاہدے کے لیے تیار، نیتن یاہو کا کہنا ہے کہ جنگ بندی معاہدے کے باوجود حماس کے خاتمے کا مشن جاری رکھیں گے۔

حماس نے اسرائیلی وزیراعظم کے بیان پر اپنے ردعمل میں کہا ہے کہ جزوی معاہدے کا مطلب ہے کہ نیتن یاہو نے امریکی صدر کے جنگ بندی کے منصوبے کو مسترد کر دیا ہے۔حماس نے کسی بھی معاہدے کے لیے مکمل جنگ بندی اور قابض افواج کے مکمل انخلاء پر اصرار کیا ہے۔دوسری جانب غزہ کے رہائشی علاقوں پر اسرائیلی فوج کی بمباری جاری ہے جس میں خواتین اور بچوں سمیت مزید 15 فلسطینی شہید ہوگئے۔

اسرائیلی طیاروں نے اقوام متحدہ کے امدادی ادارے کے مرکز کو بھی نشانہ بنایا، جس میں امدادی مرکز میں پناہ لینے والے 8 بے گھر فلسطینی شہید ہوگئے، گزشتہ 24 گھنٹوں میں 50 سے زائد فلسطینی شہید ہوئے۔

7 اکتوبر سے اب تک فلسطینی شہداء کی تعداد 37 ہزار 600 تک پہنچ گئی ہے جب کہ 86 ہزار سے زائد فلسطینی زخمی ہیں۔

 حماس نے رفح میں اسرائیلی فوجیوں اور گاڑیوں کو نشانہ بنایا جب کہ جنوبی لبنان سے تعلق رکھنے والی حزب اللہ نے شمالی اسرائیل میں اسرائیلی فوجی ہیڈ کوارٹر پر ڈرون حملہ کیا جس میں ایک اسرائیلی فوجی شدید زخمی ہوا۔