پہاڑی پر تصویریں لینے والے نوجوان کے ساتھ افسوسناک حادثہ
- 24, جون , 2024
نیوز ٹوڈے : برطانیہ میں سکول پکنک کے دوران اونچی پہاڑی پر تصویریں لینے والے نوجوان کے ساتھ ایک افسوسناک حادثہ پیش آیا۔غیر ملکی میڈیا رپورٹس کے مطابق 15 سالہ نوجوان سکول کے بچوں کے ساتھ ڈورسیٹ کے سیاحتی مقام اولڈ ہیری راکس میں پکنک پر گیا جہاں وہ 60 فٹ اونچی پہاڑی پر تصویریں کھینچ رہا تھا۔
سکول کے دیگر طلباء بھی تفریح میں مصروف تھے لیکن اچانک پہاڑی سے تصویریں لینے والا نوجوان پھسل کر دریا میں گر گیا۔اسکول پکنک کے منتظمین نے واقعے کی اطلاع دینے کے لیے فوری طور پر 999 پر کال کی اور کچھ ہی دیر بعد کشتی پر سوار ریسکیو ٹیم نے نوجوان کو ڈوبنے سے بچا لیا۔
جب نوجوان کو باہر نکالا گیا تو وہاں موجود ہر شخص کو یہ دیکھ کر خوشگوار حیرت ہوئی کہ وہ معجزانہ طور پر بغیر کسی خراش کے بچ گیا۔
ریسکیو ٹیم کا کہنا تھا کہ طالب علم کو طبی امداد کی ضرورت نہیں، وہ مکمل طور پر محفوظ اور صحت مند ہے۔سوانیج کوسٹ گارڈ نے کہا کہ ایمرجنسی عملہ طالب علم کے جسم پر زخموں کی کمی سے حیران تھا۔
تبصرے