اسرائیلی فوج بھاگتے ہوۓ اپنی بکتر بند گاڑیاں لبنان میں ہی چھوڑ گئی

04, اکتوبر , 2024

نیوز ٹوڈے : لبنان پرزمینی کارروائی کرنے والی اسرائیلی فوج کو حزب اللہ کے لڑاکوں نے (کفر کلہ) سے ہی واپس دھکیل دیا - عرب میڈیا کی رپورٹ کے مطابق حزب اللہ کے لڑاکوں کے ساتھ جھڑپوں میں لبنان کے سرحدی علاقے کفر کلہ سے صیہونی فوج ایسی حواس باختہ ہو کر بھاگی کہ جاتے ہوۓ اپنی بکتر بند گاڑی لے جانا ہی بھول گئی - عرب میڈیا کے مطابق لبنانی حکام کا کہنا ہے کہ بکتر بند گاڑی چھوڑنا اسرائیلی فوج کا کوئی جال ہو سکتا ـ لبنانی حکام کے مطابق ممکن ہے اس گاڑی میں بارودی مواد بھرا ہو جو کسی بھی وقت پھٹ جاۓ -

پچھلے دو دن سے لبنان کے سرحدی علاقوں میں صیہونی فوج اور حزب اللہ کے لڑاکے ایک دوسرے کے آمنے سامنے ہیں - ایک دن قبل حزب للہ نے جھڑپوں میں 8 اسرائیلی فوجیوں کی ہلاکت کا دعویٰ کیا تھا - صیہونی فوج نے ٹوئٹر پر دیے گۓ بیان میں تصدیق کی ہے کہ جنوبی لبنان میں جھڑپوں کے دوران ان کے 3 فوجی افسر مارے گۓ ہیں -عرب میڈیا کے مطابق بدھ کے دن صیہونی فوج نےلبنان کی سرحد عبور کرنے کی کوشش کی جس پر حزب اللہ کے لڑاکوں نے اسے ناکوں چنے چبواۓ -