ایران نے ہنگامی طور پر آج صبح تک تمام پروازیں منسوخ کر دیں

نیوز ٹوڈے :   اسرائیلی حملے کا خطرہ یا کچھ اور ہے ایران میں آج صبح تک تمام پروازیں منسوخ کر دی گئیں - ایران نے ایرانی ٹائم کے مطابق 7 ستمبر کے صبح 6 بجے تک تمام پروازیں کینسل کر دیں - "عرب میڈیا" کی دی گئی رپورٹ کے مطابق ایرانی کے سول ایوی ایشن کے ترجمان کا کہنا تھا کہ پروازیں آپریشنل معاملات کی وجہ سے کینسل کی گئیں - میڈیا کے مطابق ایران کی سول ایوی ایشن نے پروازوں کی منسوخی کی مزید وجوہات نہیں بتائیں - یکم اکتوبر کو اسرائیل پر ایران کی طرف سے برساۓ گۓ میزائلوں کے بعد اسرائیل لگاتار جوابی حملے کی دھمکیاں دے رہا ہے - اسرائیلی میڈیا بھی ایران کی تیل کی تنصیبات اور اور ایٹمی تنصیبات پر ممکنہ اسرائیلی حملوں کی اطلاعات دے رہا ہے -

پچھلے دنوں امریکی صدر (جوبائیڈن) نے بھی کہا تھا کہ اسرائیل کے تیل ڈپوؤں کو نشانہ بنانے کے حوالے سے اسرائیل کے ساتھ بات چیت ہو رہی ہے - اسرائیل پر ایرانی میزائلوں کی برسات کے بعد اقوام متحدہ میں تعینات اسرائیلی مندوب کا کہنا تھا کہ اسرائیل پر کیے گۓ حملوں کا ایران کو بھاری معاوضہ دینا پڑے گا - اس حملے کے ایران کو ایسے نتائج ملیں گے جن کا ایران نے تصور بھی نہیں کیا ہوگا -