صیہونی فوج کا وسطی غزہ کے سکول اور مسجد پر حملہ ، 24 افراد شہید ، 93 زخمی

07, اکتوبر , 2024

نیوز ٹوڈے : صیہونی فوج نے آج غزہ کی مسجد اور ایک سکول کو نشانہ بنایا جس سے 24 فلسطینی شہید ہو گۓ - "عرب میڈیا" کی دی گئی رپورٹ کے مطابق صیہونی فوج نے وسطی غزہ کے ایک سکول اور مسجد پر بمباری کی جس کے نتیجے میں 24 افراد شہید اور 93 زخمی ہو گۓ ـ میڈیا کی رپورٹ کے مطابق پچھلے 24 گھنٹوں سے جاری اسرائیلی حملوں میں مزید 50 فلسطینی شہید ہو گۓ ہیں -

اسرائیلی میڈیا کا کہنا ہے کہ مسجد اور سکول حماس کے کمانڈ اور کنٹرول مراکز کے طور پر استعمال ہو رہے تھے - جبکہ فلسطینی حکام کے مطابق ان میں بے گھر فلسطینیوں نے پناہ لے رکھی تھی ـدوسری طرف اسرا ئیلی فوج لبنا ن پر بھی لگاتار فضائی حملے کر رہی ہے - اتوار کے دن صیہونی فوج نے لبنانی دارالحکومت بیروت پر ایک بہت بڑا فضائی حملہ کیا جس میں کئی رہائشی عمارتیں تباہ ہو گئیں ـ لیکن اس حملے میں ہونے والے زخمیوں اور ہلاکتوں کی تعداد سے متعلق ابھی تک کوئی واضح اطلاعات موصول نہیں ہوئیں-