دمشق میں اسرائیلی فضائی حملہ

نیوز ٹوڈے :   شام کے دار الحکومتی شہر (دمشق) کی رہئشی عمارت پر اسرائیلی فضائی حملہ ، 7 شامی ہلاک ، 11 زخمی ـ شام کے سرکاری میڈیا کی رپورٹ کے مطابق شام کے دارالحکومتی شہر دمشق کے مغربی مضافاتی علاقہ (میزہ) میں ایک رہائشی عمارت پر اسرائیل نے فضائی حملہ کیا ہے جس میں 7 افراد ہلاک اور 11 زخمی ہو گۓ - ابتدائی رپورٹس کے مطابق جان بحق افراد میں بچے اور خواتین بھی شامل ہیں - سرکاری میڈیا کو فوجی ذرائع سے حاصل ہونے والی رپورٹ کے مطابق اس حملے سے آس پاس کے علاقوں کو بھی کافی نقصان پہنچا ہے -

بین الاقوامی میڈیا کی رپورٹ کے مطابق اس حملے میں گولان کی پہاڑیوں سے 3 میزائلیں استعمال کی گئیں - اس سے پہلے شام کے سرکاری میڈیا کا کہنا تھا کہ شام کے فضائی دفاعی سسٹم نے دمشق میں دشمن کے میزائلوں کو تباہ کر دیا ہے - ایرانی نیوز رائٹر کا کہنا ہے اسرائیل دہائیوں سے شام میں ایران سے وابستہ اہداف کو نشانہ بناتا آ رہا ہے - پچھلے سال 7 اکتوبر کو حماس کی سر زمین پر حملے کے بعد سے اس طرح کی کارروائیوں میں مزید تیزی آ چکی ہے -