اسرائیلی وزیر دفاع نے اپنا دورہ امریکہ ملتوی کر دیا

نیوز ٹوڈے :     اسرائیلی وزیر دفاع نے ایران پر ممکنہ اسرائیلی حملے کے حوالے سے اپنے امریکی ہم منصب کا منصوبہ بند دورہ اچانک ملتوی کر دیا۔اسرائیلی میڈیا رپورٹس کے مطابق اسرائیلی وزیراعظم نیتن یاہو نے وزیر دفاع کو امریکی صدر سے بات کرنے تک امریکا جانے سے روک دیا ہے۔پینٹاگون کی ترجمان سبرینا سنگھ نے اسرائیلی وزیراعظم کی جانب سے وزیر دفاع کے دورہ امریکا پر پابندی سے متعلق سوال کا جواب دینے سے انکار کردیا۔ 

امریکی ترجمان نے کہا کہ امریکی وزیر دفاع لائیڈ آسٹن اور اسرائیلی وزیر دفاع گیلنٹ کے درمیان انتہائی گہرے تعلقات ہیں اور دونوں نے 80 سے زائد مرتبہ ایک دوسرے سے بات کی ہے۔ اتفاق ہے لیکن اس کا مطلب یہ نہیں کہ معاملہ گڑبڑ ہے۔

اس سے قبل یہ خبریں سامنے آئی تھیں کہ اسرائیلی وزیراعظم نیتن یاہو نے اسرائیلی وزیر دفاع کو امریکی صدر کے فون کال اور ایران کے خلاف جوابی کارروائی کی اسرائیلی کابینہ کی منظوری تک امریکا کا دورہ کرنے سے روک دیا تھا۔

اسرائیلی میڈیا میں یہ خبریں بھی آئیں کہ نیتن یاہو اختلافات کی بنیاد پر اسرائیلی وزیر دفاع گیلنٹ کو اپنی کابینہ سے ہٹانا چاہتے ہیں۔