حزب اللہ کے اسرائیل پر راکٹ حملے ، 2 افراد ہلاک 10 زخمی

10, اکتوبر , 2024

نیوز ٹوڈے : لبنانی مزاحمتی جماعت (حزب اللہ) کے اسرائیل پر راکٹ حملے میں 2 اسرائیلی ہلاک اور کئی زخمی ہو گۓ - جنوبی لبنان سے اسرائیل پر کیے گۓ راکٹس حملوں میں دو اسرائیلی میاں اور بیوی ہلاک اور متعدد ذخمی ہو گۓ - اسرائیلی میڈیا کی دی گئی رپورٹ کے مطابق حزب اللہ نے اسرائیل کے (کریات شمونہ اور سرحدی علاقوں) پر ایک کے بعد ایک کئ راکٹس داغے جن میں سے ایک راکٹ ایک اسرائیلی گھر پر گرا جس سے گھر میں آگ لگ گئی - صیہونی فوج کے مطابق کریات شمونہ کے گھر پر گرنے والے راکٹس سے گھر میں موجود اپنے کتوں کے ساتھ چہل قدمی کرتے میاں بیوی ہلاک ہو گۓ -

البتہ حز ب اللہ کا کہنا ہے کہ راکٹس حملوں میں آبادی سے خالی علاقوں میں اسرائلی فوجی ٹھکانوں کو نشانہ بنایا گیا ہے-اسرائیلی فائر بریگیڈ اور ریسکیو ٹیموں کے مطابق حزب اللہ کے میزائل حملوں سے شہر کی کئی عمارتوں میں آگ لگنا شروع ہو چکی ہے - فائر بریگیڈ کی 5 ٹیمیں آگ بجھانے میں مصروف ہیں ـ حزب اللہ کے راکٹس حملوں میں 10 اسرائیلی زخمی بھی ہوئے ہیں جن کی حالت خطرے سے باہر بتائی جا رہی ہے -