غزہ کے پناہ گزین سکول پر اسرائیلی ٹینکوں کی گولہ باری میں عورتوں اور بچوں سمیت کئ افراد شہید

14, اکتوبر , 2024

نیوز ٹوڈے : غزہ کے ایک پناہ گزین سکول پر اسرائیلی ٹینکوں کی بمباری میں عورتوں اور بچوں سمیت 18 افراد شہید اور کئی زخمی ہو گۓ - بین الاقوامی میڈیا کی رپورٹ کےمطابق مشرقی غزہ کے علاقہ (نصیرات) میں صیہونی فوج کے ٹینکوں سے ایک سکول کو نشانہ بنایا جس میں فلسطین کے بے گھر افراد پناہ لیے ہوۓ تھے -رپورٹ کے مطابق اسرائیلی فوج کی بمباری کے نتیجے میں سکول میں پناہ گزین 18 فلسطینی شہید ہو گۓ -اور کئی زخمی بھی ہو ۓ -

اس سے پہلے صیہونی فوج نے غزہ کے (جبالیہ پناہ گزین کیمپ) کو کئی جگہوں پر بم نصب کرکے متعدد گھروں کو اڑا دیا تھا ـ پچھلے ایک ہفتےمیں صیہونی فوج نے 200 سے زائد فلسطینیوں کو شہید کر دیا ہے - اور ہزاروں فلسطینی گھروں میں قید ہو کر رہ گۓ ہیں ـ غزہ میں جاری صیہونی فوج کی جارحیت پر دنیا پر میں احتجاج کا سلسلہ جاری ہے - (برطانیہ) میں بھی فلسطینی مسلمانوں کے قتل عام کے خلاف مظاہرہ کیا گیا - جبکہ (گلاسکو اور آئر لینڈ) میں مظاہرین نے اسرائیل کی مدد نہ کرنے اور اس کو ہتھیاروں کی فراہمی بند کرنے کا مطالبہ بھی کیا -