صیہونی فوج نے بم نصب کرکے جبالیہ پناہ گزین کیمپ کے کئی گھروں کو تباہ کر دیا

14, اکتوبر , 2024

نیوز ٹوڈے : صیہونی فوج نے غزہ کے (جبالیہ کیمپ) میں بنے کئی مکانوں کو بم نصب کرکے اڑا دیا ـ صیہونی فوج کا جبالیہ کیمپ کے گرد گھیراؤ تنگ ہوتا جا رہا ہے - اسرائیلی فوج نے پچھلے ایک ہفتے کے دوران 200 سے زائد فلسطینیوں کو شہید کر دیا ہے - اور ہزاروں فلسطینی محصور ہو کر رہ گۓ ہیں ـ دوسری طرف "حماس" کے لڑاکوں کے صیہونی فوج پر کئی حملوں میں متعدد اسرائیلی فوجی ہلاک اور زخمی ہونے کی اطلاعات بھی ملی ہیں - صیہونی فوج کے طیاروں نے جنوبی لبنان پر شدید بمباری کی جس میں لبنان کے قصبہ (باطیہ) کو نشانہ بنایا گیا -

صیہونی فوج نے لبانن کے 23 علاقوں سے شہریوں کو نکل جانے کا حکم بھی دے دیا ہے - لبنان پر صیہونی فوج کے حملوں میں 24 گھنٹوں کے دوران 78 افراد شہید ہو گئے - "حزب اللہ" نے بھی شمالی اسرائیل پر راکٹ حملوں میں (حیفا شہر) میں فوجی چھاؤنی کو نشانہ بنایا ہے - صیہونی فوج نے حزب اللہ کے زیادہ تر راکٹوں کو تباہ کر دینے کا دعویٰ کیا ہے - (ایران) نے اپنی تمام پروازوں میں واکی ٹاکی اور پیجرز لے جانے پر پابندی لگا دی ہے -