اسرائیلی میڈٰیا نے پھوڑا بھانڈا ایرانی میزائل حملے میں ہوۓ اسرائیلی نقصان کا

نیوز ٹوڈے :   اسرائیل پر ایران کے میزائل حملے میں کتنے اسرائیلیوں کے گھر تباہ ہوۓ اور اسرائیل کا کتنا مالی نقصان ہوا اسرائیلی میڈیا نے بھانڈا پھوڑ دیا - اسرائیلی میڈیا کا کہنا ہے کہ یکم اکتوبر 2023 کو ہونے والے حملے کے بعد ایران کا اسرائیل پر یہ سب سے بڑا حملہ ہے - جس میں اسرائیل کو ان گنت مالی نقصان پہنچا ہے ـ اسرائیلی میڈیا کا کہنا ہے کہ ایرانی حملے میں ہونے والے نقصنات کی تفصیلات ابھی تک اسرائیلی فوج نے جاری نہیں کیں ، لیکن کم از کم 2500 اسرائیلیوں نے انشورنس کی رقم حاصل کرنے کا دعویٰ کیا ہے -جس سے اسرائیل کو پہنچنے والے نقصانات کا اندازہ لگایا جا سکتا ہے -

میڈیا رپورٹ کے مطابق اسرائیل کے تجارتی مرکز (تل ابیب) میں 2500 گھروں کو ایرانی حملے میں نقصان پہنچا ہے ـ جس سے 53 ملین ڈالر کا نقصان ہوا ہے - ایرانی میزائل حملے میں اسرائیل کے 2 فوجی ٹھکانوں کو بھی نقصان پہنچا ہے - اسرائیلی فوج نے ابھی تک (تیل نوف اور نیواتم مراکز) کو پہنچنے والے نقصانات کی تفصیلات نہیں بتائیں -اسرائیلی میڈیا کے مطابق ایران کا اسرائیل پر میزائل حملہ ایک سال قبل شروع ہونے والی جنگ کے بعد سب سے مہنگا حملہ ہے ـ تباہ ہونے والے ایرانی میزائلوں کے گرنے والے ملبہ سے ہونے والے نقصنات کا اندازہ بھی ابھی تک نہیں لگایا گیا -