جبالیہ میں اسرائیلی قافلے پر حماس کے لڑاکوں کا حملہ ، کئی اسرائیلی فوجی ہلاک

نیوز ٹوڈے :   غزہ کے علاقے (جبالیہ) میں حماس کے لڑاکوں نے اسرائیلی قافلے پر کیے گۓ حملے کی ویڈیوز جاری کر دیں جس میں صیہونی فوج کے کئی جوان ہلاک ہو گۓ - میڈیا کی دی گئی رپورٹس کے مطابق حماس کے لڑاکوں نے 12 اسرائیلی گاڑیوں کو بارودی سرنگوں سے نشانہ بنا کر ان پر فائرنگ بھی کی اور راکٹ بھی برساۓ - جس سے اس حملے میں کئی اسرائیلی ہلاک ہو گۓ - دوسری جانب مقبوضہ مغربی کنارے پر صیہونی فوج کی فائرنگ سے 2 فلسطینی شہری شہید ہو گۓ - جبالیہ پناہ گزین کیمپ پر اسرائیلی محاصرے کو گیارہ دن ہو چکے ہیں - اور کیمپ کے اندر امدادی سامان کی مکمل بندش کی وجہ سےمعصوم فلسطینی بھوک سے نڈھال ہیں -

ایک دن قبل کیمپ کے اندر امداد پہنچانے کی کوشش کیلیے جمع ہونے والے افراد پر صیہونی فوج نے فائرنگ کر دی جس سے 10 فلسطینی شہید ہو گۓ - غزہ میں پولیو ویکسین پلانے کے دوسرے مرحلے کا آغاز ہو چکا ہے - غزہ پر منگل کی صبح اسرائیل کے وحشیانہ حملے میں مزید 29 فلسطینی شہید ہو گۓ - بین الاقوامی میڈیا کی رپورٹ کے مطابق (نصیرات اور خان یونس) کے علاقوں میں کئی گھروں پر بھی اسرائیلی فوج نے بم برساۓ -