ترکی جانے کے خواہشمند پاکستانیوں کے لیے خوشخبری

نیوز ٹوڈے :    پاکستان سے ترکی جانے والے سیاحوں کی تعداد میں مسلسل اضافہ ہو رہا ہے کیونکہ مغربی ایشیائی ملک تاریخی مقامات، ریزورٹس اور مختلف تفریحی مقامات کا بھرپور امتزاج پیش کرتا ہے۔

پاکستانی پاسپورٹ رکھنے والے شہریوں کو ترکی کا سفر کرنے سے پہلے وزٹ ویزا کے لیے درخواست دینا ہوگی۔پاکستان میں درخواست دہندگان کو ترکی کے وزٹ ویزا کے لیے اپنی درخواست اناطولیہ ویزا ایپلیکیشن سینٹرز پر جمع کرانی ہوگی۔درخواست دہندگان کو ویزا کے لیے درخواست دیتے وقت تمام متعلقہ دستاویزات بشمول بینک اسٹیٹمنٹس، ہیلتھ انشورنس، تصاویر، فنگر پرنٹس، ٹکٹ کی تفصیلات، ہوٹل کی بکنگ اور دیگر جمع کرانے کی ضرورت ہے۔

اسٹیٹ بینک آف پاکستان کی جانب سے گزشتہ روز اعلان کردہ ایکسچینج ریٹ کے مطابق پاکستانی شہریوں کو ویزا فیس صرف پاکستانی روپے میں نقد ادا کرنا ہوگی۔پاکستان سے سنگل انٹری ترکی کے وزٹ ویزا کے لیے سفارت خانے کی فیس $60 ہے، جب کہ پاکستان سے ملٹی پل انٹری وزٹ ویزا کی فیس $190 ہوگی۔

21 اکتوبر تک اوپن مارکیٹ میں ایک امریکی ڈالر 277.65 روپے کے برابر تھا۔ لہٰذا سنگل انٹری ویزہ کے لیے سفارت خانے کی فیس 16659 روپے اور ملٹی پل انٹری ویزا کے لیے 52753 روپے ہوگی۔

سفارت خانے کی فیس کے علاوہ، اناطولیہ ویزا ایپلیکیشن سینٹر آپ کی ویزا درخواست کے لیے منتخب کردہ زمرہ کے لحاظ سے سروس فیس وصول کرتا ہے۔یہ عام درخواست کے لیے $65 یا 18,047 روپے اور VIP درخواست کے لیے $80 یا 22,212 روپے چارج کرتا ہے۔