خوبصورت یورپی قصبہ جو چائے کی قیمت پر زمین کے پلاٹ بیچ رہا ہے

نیوز ٹوڈے :     کئی یورپی ممالک میں چند سو روپے میں گھر بیچنے کے پروگرام آتے رہتے ہیں۔اب جنوبی یورپ کے ایک ملک میں بھی ایسا ہی پروگرام سامنے آیا ہے، لیکن آپ گھر کے بجائے زمین کا پلاٹ خرید سکتے ہیں۔جی ہاں، سویڈن کے ایک قصبے گوٹین میں 30 پلاٹ فروخت کے لیے پیش کیے گئے ہیں، جن کی قیمتیں ایک کرونر (تقریباً 27 روپے) فی مربع میٹر سے شروع ہوتی ہیں۔

خوش قسمت لوگ جو یہ پلاٹ خریدتے ہیں وہ اپنے خوابوں کا گھر بنا کر وہاں رہ سکیں گے یا چھٹیاں گزارنے جا سکیں گے۔سویڈن کے اس قصبے کا موسم کافی ٹھنڈا ہے، اس لیے یہ پیشکش گرمی کا شکار ہونے والوں کے لیے بہترین ہے۔

یہ سویڈن کے دیہی علاقے کا مرکزی قصبہ ہے جس کی آبادی 13,000 ہے اور سویڈش ثقافت کی جھلکیاں ہیں۔یہ قصبہ سویڈن کی سب سے بڑی جھیل ورنن کے ساحل پر واقع ہے جب کہ یہاں کی پہاڑیاں پیدل سفر کے لیے مثالی ہیں۔قصبے کے میئر، جوہان مانسن کے مطابق، یہ پروگرام معاشی مشکلات اور دیہی آبادی میں کمی کی وجہ سے متعارف کرایا گیا تھا۔

انہوں نے کہا کہ ہمارے خطے میں ہاؤسنگ مارکیٹ کافی سست جارہی ہے اور ہم اسے بہتر کرنا چاہتے ہیں۔ان کا کہنا تھا کہ یہاں شرح پیدائش میں بھی کمی آئی ہے جب کہ معمر افراد کی تعداد میں اضافہ ہو رہا ہے اس لیے ہم کچھ ایسا کرنا چاہتے تھے جس سے زیادہ لوگ یہاں آئیں۔

انہوں نے کہا کہ یہی وجہ ہے کہ ہم نے ایک کپ چائے کی قیمت پر 30 پلاٹ فروخت کے لیے پیش کیے ہیں۔جوہان مینسن کے مطابق غیر معمولی حالات غیر معمولی اقدامات کا مطالبہ کرتے ہیں اور اب یہ پروگرام وائرل ہو گیا ہے۔

یہ پروگرام مئی 2024 میں متعارف کرایا گیا تھا اور ہر پلاٹ 700 سے 1200 مربع میٹر کے رقبے پر پھیلا ہوا ہے۔اس پروگرام کے وائرل ہونے کے بعد دنیا بھر سے ہزاروں کالز موصول ہوئیں جس کے باعث پلاٹوں کی فروخت کا عمل اگست تک روک دیا گیا ہے۔

جوہان مینسن کے مطابق یہ پلاٹ کوئی بھی خرید سکتا ہے اور اس کے لیے یہ ضروری نہیں کہ وہ سویڈن میں رہائش اختیار کرے یا وہاں مستقل رہائش کا وعدہ کرے۔صرف ایک شرط پوری کرنی ہوگی اور وہ یہ ہے کہ پلاٹ خریدنے کے بعد 2 سال کے اندر گھر تعمیر کرنا ہوگا۔