اس ملک کی حکومت کا ہر بالغ شہری کو 1 لاکھ 32 ہزار روپے دینے کا اعلان

نیوز ٹوڈے :   ایک ملک نے اپنے تمام شہریوں کو 478 ڈالر (ایک لاکھ 32 ہزار پاکستانی روپے سے زائد) دینے کا اعلان کیا ہے۔درحقیقت یہ رقم اس ملک میں رہنے والوں کے ساتھ ساتھ بیرون ملک رہنے والوں کو بھی دی جائے گی۔

جی ہاں واقعی جنوبی امریکی ملک گیانا نے خام تیل کی فروخت سے حاصل ہونے والی رقم عوام میں تقسیم کرنے کا اعلان کیا ہے۔گیانا کے 18 سال یا اس سے زیادہ عمر کے تمام شہریوں کو فی کس ایک لاکھ گیانی ڈالر دیے جائیں گے، انہیں بس اپنا پاسپورٹ یا شناختی کارڈ دکھانا ہوگا۔

بیرون ملک مقیم گیانی شہری بھی اس کے حقدار ہوں گے لیکن انہیں رقم کا دعویٰ کرنے کے لیے اپنے وطن واپس جانا پڑے گا۔

اس حیرت انگیز تقریب کا اعلان کرتے ہوئے گیانا کے صدر عرفان علی نے کہا کہ "گزشتہ چند دنوں کے دوران لاکھوں شہریوں نے مجھ سے اور میری کابینہ کے ارکان سے رابطہ کرکے گزشتہ ہفتے کیے گئے اقدامات کی حمایت کا اظہار کیا ہے۔"

پہلے حکومت نے ملک کے ہر خاندان کو 200,000 گیانی ڈالر دینے کا فیصلہ کیا لیکن پھر کچھ شہریوں کے تحفظات کی وجہ سے اسے تبدیل کر دیا گیا۔ان شہریوں کا کہنا تھا کہ ایسے نوجوانوں کو یہ امداد نہیں مل سکے گی جو ابھی تک اپنا خاندان نہیں بنا سکے۔

گیانا کے صدر نے کہا کہ 'سب کو اس پروگرام کا حصہ بنانے سے ان خدشات پر قابو پانے میں مدد ملے گی کہ نوجوان یہ امداد حاصل نہیں کر سکیں گے'۔گیانا کی کل آبادی 80 لاکھ ہے اور یہ رقم تقریباً 40 لاکھ افراد میں تقسیم ہونے کی توقع ہے۔

لیکن گیانا وہ ملک ہے جس کی معیشت میں تاریخی بہتری دیکھنے میں آئی ہے اور اس کا حجم 5 سالوں میں تین گنا بڑھ گیا ہے۔یہ خام تیل کی برآمد سے ممکن ہوا حالانکہ یہ ایک دہائی قبل خطے میں سب سے کم جی ڈی پی والا ملک تھا۔

لیکن 2015 میں خام تیل کے ذخائر کی دریافت نے گیانا کی قسمت بدل دی اور اب یہ دنیا میں تیزی سے ترقی کرنے والے ممالک میں شامل ہے۔